張達明夥農夫棟篤笑
「抗癌戰士」張達明早前與組合農夫成員陸永及C君，齊齊為明年3月開騷的棟篤笑演出開會，狀態十足的達明10月中與農夫影宣傳海報，達明預告明年演出必定好戲連場：「2014年我做咗次棟篤笑，反應好好，有朋友有興趣想投資，所以今次我身份唔同，以前就我做老闆，今次我係被邀請嘅，做監製、度橋。」
達明續說：「我有年幾時間冇踏台板，都啱o架，大型騷唔使好密，要有啲時間去儲橋。現階段我哋都係傾吓啲舞台設計，或者同農夫一齊分享吓喺網絡睇到嘅得意事，始終距離演出仲有一段時間，留番啲當時至hit嘅話題擺入個騷度，等觀眾睇得過癮有共鳴，不過可以預告演出一定精彩！」