Baby自與黃曉明拍拖後，被疼愛得如公主般，令眾港女羨慕不已，原來26歲的Baby將會行30年大運，認真無得輸，堪輿學家陳子才說：「Baby命格五行陰土，喜火，2010年起會行30年火運，所以Baby會行30年好運。依家佢先行咗5年運，未算係好運嘅高峰！而曉明都有30年運，佢就2008年行好運行到2028年。」
恩愛非常的二人，原來命格襯到絕，陳子才表示：「曉明五行屬陽木，Baby五行屬陰土，呢兩個五行屬性係相合，佢哋零舍夾！而Baby同曉明本身都有30年大運，所以一齊當然更旺！（幾時生B？）2016年猴年，Baby命盤有『天喜』桃花星出現，易有喜事，較大機會生仔。」