龐卓欣疑犯法死撐：係泊緊車!

應屆港姐亞軍龐卓欣（Ada）早前曾上載一張與男友，在車廂前座的抱狗相到社交網站，但相中兩人均沒有佩戴安全帶，有網民發現她危險犯禁，知道可能觸犯法例的Ada即火速刪除相片。

昨日Ada與季軍郭嘉文（Karmen）在紅磡出席「HK.WeCARE 香港開心D」啟動禮時，被問到為何如此失策？她立即顯得非常尷尬，說：「咁你想我講咩？因為我嗰時係想校個自拍神器放喺前面，之後又唔記得戴。」

急刪相毀證據

問當時是否行車途中，Ada不但面有難色，更猶豫了一會才死撐謂：「唔係，係泊緊車。（下次小心啲？）會，網民提醒我嘅時候，我已經第一時間刪除咗，當時真係唔記得咗，自己都要留意番呢樣嘢。」雖然龐卓欣護男友心切，力指泊緊車，然而此舉分分鐘觸犯法例。

龐卓欣抱狗與男友在車廂前座自拍，被網民發現冇戴安全帶。	郭嘉文想跟黃秋生學戲，不介意演技受批評。	應屆港姐龐卓欣（左）與麥明詩（中）當選後是非不絕。

郭嘉文已簽TVB

此外，問到無綫有否通知她們拍劇？Ada坦言自己仍在了解當中，並未與無綫簽約：「要諗吓自己想要啲咩！」但她絕無疊埋心水嫁人的打算。

而Karmen就透露自己已經與無綫簽約，又澄清年期並非如外界所指長達10年：「但工作就要等公司安排，我自己就想參加多啲訓練班。尋日我見到黃秋生，都想跟佢學戲。（佢會狠評o架喎！）有批評先會有進步，做後輩聽前輩教導係好事。（佢話新人冇character！）咁我都仲有好多進步空間。」Karmen更指自己想由小角色做起，逐步累積經驗。

文：影視組