張致恒莊端兒擺檔吸金 望置業成家

張致恒坦言要努力儲老婆本。

問到兩人何時拉埋天窗？Xenia笑說：「佢未求婚喎，快啲催佢啦！」身旁的Steven坦言努力儲緊老婆本，Xenia則表示正物色舖頭：「生意愈嚟愈好，開始搵舖頭，不過依家啲租金仲係好貴，所以會搵樓上舖。（今年內嘅事？）希望搵到心水舖，始終想長租落去。」

儲錢上車

兩人承認有太多目標，包括開舖、買樓及結婚，故近年要努力搵錢實現夢想。問到結婚是否第一目標？Xenia說：「買樓先係，當然希望可以同步實行，但唔係易事。（買千萬樓？）想買依家住緊嗰度，希望樓價跌穿千萬就有機會上車，總之我哋要努力儲錢。」

張致恒落足心思sell客。

張致恒與莊端兒情侶檔擺攤檔。