姚書軼鋪路做珠寶生意

名模姚書軼（Mikki）縱橫模界15年，深明模特兒生涯不長久，故考慮創業。問到是否做老本行，向時裝界發展？她斬釘截鐵地說：「唔會，我反而想做藝術、珠寶方面嗰啲。始終工作時都有機會接觸靚嘅珠寶，我對自己嘅眼光有信心。（有冇讀珠寶鑑證？）未，因工作太忙分配唔到時間。」至於何時把創業大計付諸實行？Mikki坦言目前經濟不景氣，不是創業好時機，故不會輕舉妄動。問到會否覺得男友養自己，比創業更實際？已單身兩年多的她笑言：「難啲，我依家都幾開心。」