吳君如早前獲頒馬來西亞金鳳獎，因她正在港忙演舞台劇未能親到當地，大會方面派了兩位拿督及宣傳大使將獎項交到君如手中。此外，君如蟬聯累積票房最高香港女演員，她笑言：「首先我要澄清我係冇拍夠卅年戲嘅！但如果根據呢個統計，十年前係我攞，依家又係我攞，累積落去十年後、廿年後都應該係我攞喇啩！」
