呂方帶女友朝聖左閃右避

曾於1984年來港拍攝MV《Highly Strung》的Spandau Ballet相隔三十年再度來港，並舉行首次巡迴演唱會，吸引多位本地明星捧場，當中包括陳浩民、杜德偉夫婦、雷頌德、黃家強夫婦、伍詠薇、蔡一傑、黃耀明及呂方等。而帶同女友睇騷的呂方全程表現避忌，不想與對方合照，而女方亦借故與友人閒聊避鏡頭。呂方被問到對Spandau Ballet的歌熟唔熟時，他說：「我唔係好熟佢哋啲歌。（女友呢？）女友唔識佢啲歌。（所以賣甩佢嘞？）唔係，成班朋友。（女友都有嚟？）有呀！」

主音着西裝隊啤

昨日記者再度致電呂方，惟他多次拒認女友身份，支吾以對指：「朋友啫，我哋成6、7位朋友一齊睇騷，（同新女友睇騷？）朋友啫，係好好嘅朋友，（有冇機會發展？）有嘅。」他又說如有機會可介紹給傳媒認識。

借朋友過橋	年過五十的主音Tony着西裝又唱又跳，更隊啤降溫。	Spandau Ballet首度襲港開騷。

至於自認是忠實粉絲的蔡一傑帶了多張Spandau Ballet的黑膠唱片到場，還舉起唱片吸引樂隊注意，主音Tony Hadley亦識做豎直挴指回應，同樣看得投入的伍姑娘更High到手舞足蹈，不時高呼主音名字。Spandau Ballet唱出港迷耳熟能詳的幾首名曲《Highly Strung》及《Only When You Leave 》等，年過五十的Tony穿着西裝又唱又跳，半場時更狂隊啤酒降溫，又不時舉起酒杯向觀眾祝酒，令全場氣氛high爆。

文：外娛組