趙哲妤食得夠巨

前中國小姐趙哲妤(Uny)一向識飲識食,更為有線主持飲食節目《為食情報局》,難怪自認是「為食妹」,她說:「依家好多人都鍾意相機食先,我都唔例外,每次拍完飲食節目,見到有特別嘅餐廳,自己都會再約朋友去品嘗一吓,最鍾情賣相誇張嘅食物,因為貪佢影相出嚟效果夠吸引。」

Uny透露最深刻的食物是12吋巨型漢堡包,要10位朋友一齊分享先吃得完,她又說:「最近食咗巨型烤肉串,成串烤肉仲長過我隻手,3至4個朋友去食就最啱。」她笑言拍完飲食節目後,有不少男仔爭相約會:「以前同男仔食飯,成日都係佢哋帶我食好嘢,依家就相反,男仔爭住跟我去食嘢,因為我門路比佢哋仲多,可以滿足到佢哋追求新鮮感呢個欲望。」