藝人宣萱昨日到尖沙咀出席無綫節目《望子成才》記者會，曾在英國讀書的她在節目分享讀書經歷：「有5年冇拍TVB節目，對上已經係《飛虎》，都有啲感動。（返TVB拍劇？）有啱絕對會拍，但要睇好多嘢，故事、角色、對手。（近期唔少花旦離巢？）可能仲傾緊呢，每個年代都唔同，都睇到依家有啲上緊，以前有前輩帶住，今時今日係考天才，依家困難啲。（有冇睇劇？）冇，反而有睇《大鬧廣昌隆》，時代唔同，有時幾傷心，廿幾點已經慶功，希望多啲人睇電視，畀多啲錢、多啲時間係可以拍到有質素嘅劇。」
