葉翠翠陪老公上庭為夫護航

藝人葉翠翠昨日陪同老公周曉東就前妻贍養費訴訟現身法庭,兩人十指緊扣流露新婚甜蜜,約個多小時後離開。翠翠透露訴訟尚未有結果,要待明年繼續,對於有指前妻爭取女兒撫養權,翠翠即為老公護航發言:「呢啲都係交畀律師處理。(係咪唔可以見個女?)呢啲唔方便講。」

翠翠剛從希臘等地度蜜月回港,她笑指過程開心,但腰部有毛病,稍後會到醫院求診。問到可有趁機造人?她笑謂:「冇呀!因為老公話驚有小朋友會唔理佢,所以會遲啲先,都係計劃之中。」

問到是否就某些問題陷拉鋸中?翠翠再度代夫回應:「都唔係好知對方係點,但發生乜事都會去處理。(頭先有冇見到對方?)冇,我喺房度等,嚟係支持先生,一去到就坐喺房處理自己嘢。」