林文龍撐真奪獎 誓追究

電影《我們停戰吧!》被人在社交網站質疑該片在國際間取得27個獎項有造假之嫌,任出品人的藝人林文龍、投資人漫畫家黃玉郎、編劇兼主演的林熹瞳(Rachel)堅稱沒有造假,揚言會追究到底!

藝人林文龍出品、漫畫家黃玉郎投資、林熹瞳編劇兼主演的電影《我們停戰吧!》被人於社交網站轉發署名是影評人「舒琪」的評論,更指質疑該片在國際間取得27個獎項有造假之嫌,黃玉郎旗下公司環球傳奇影視娛樂有限公司昨發表聲明否認,並附上包括美國加州獨立電影節、荷蘭阿姆斯特丹國際電影節等27個獎項得獎資料連結,力證得獎真確性。

抹殺努力

Rachel昨日到將軍澳出席80位fans為她包場欣賞《我》片的活動,並替下月生日的她慶生,對被指造假,她說:「第一個反應唔敢信係真,如果要造都造28個獎,好意頭啲!套戲電影發展基金有份投資,每次得獎要證實資料,好難造假。呢次指控好嚴重,抹殺台前幕後努力,我諗過其實係咪想幫我哋谷中秋檔票房咋?」對於有關言論已刪除及是否想有關影評人出來澄清,Rachel坦言:「如果言論唔係佢講,佢都被人冤枉,澄清番係好事。」

不應侮辱

電影出品人及男主角林文龍說:「我哋求證緊係咪佢本人言論,若果係,必定追究。我都幾詫異,以佢地位身份,唔應該咁輕率評論,我哋得獎全部有根據,要造假,都造勁啲啦!如果有得造假,我哋唔會係第一套造。」投資者黃玉郎說:「知名人士唔好唔求證就亂咁噏,仲要講到咁盡,講傷害嘅係佢自己,27個獎係好堅,難得有香港電影攞獎,應該支持,唔係隨意侮辱,我哋一定採取行動,一確定真係佢講就o趙佢,冇得傾!贏,我哋就梗o架喇!」至於記者曾致電給舒琪,他表示對此事不作回應。

文:影視組