盈盈45分鐘誕6磅15安Ｂ女

湯盈盈昨日凌晨自然分娩，誕下二女Kassidy，B女重6磅15安士。再做父親的錢嘉樂昨日下午即要工作，以會長身份出席「香港動作特技演員公會」專業課程活動。

剪臍帶獲讚熟手

嘉樂透露凌晨時分在睡夢中被即將要生的盈盈踢醒，梳洗後便飛車到醫院，他說：「由起身到個女生出用咗1小時17分，喺產房9個字就順產生咗，太太感動到喊。個女好聽話，因為今日（昨日）下午要搞呢個記招，佢就凌晨出世，好叻。」問Kassidy名字由誰改？他笑說：「你話呢？太太體恤我，啲名改咗我讀唔到，佢就唔會用。」

盈盈生B前還與大女凱晴遊船河。	梁靖琪（左）陪嘉樂到醫院。	懷孕的鍾麗淇也到醫院探盈盈，但她不願透露自己的預產期。

嘉樂亦為女兒剪臍帶，醫生讚他淡定兼熟手，問會否再生？他稱：「停一停啦，屋企連埋外傭有四個女人喇。（B女似邊個？）我梗係覺得似我，不過太太話今次唔似，佢條氣唔順。（送咩獎勵老婆？）啲樓都入晒佢名，冇分o架喇。好珍惜呢三個女人，尤其太太好勇敢，入院全程自己行。」同場的梁靖琪表示再多一名契女感開心：「Kassidy好似有雙眼皮，會送利是畀佢。」

食炒飯自己餵奶

昨午5時半，嘉樂抱大女凱晴與梁靖琪到醫院探望盈盈和Kassidy。問凱晴會否緊張和錫妹妹？她扁嘴擰頭。盈盈好友鍾麗淇於下午1時到醫院，懷孕的她離開時說Kassidy得意，樣貌似公仔。晚上8時，嘉樂與盈盈父母離開醫院，嘉樂指太太精神不錯但有點攰，胃口好吃了兩碗炒飯，又自己餵奶。

文：影視組