蔡思貝冧洪永城 何雁詩戀混血男
洪永城、蔡思貝及何雁詩等昨為無綫古裝新劇《味想天開》試造型，以「犀利哥」造型示人的洪永城自言對廚藝沒研究，問可有下廚冧緋聞女友唐詩詠？他說：「有整牛扒同意粉，但佢唔滿意。（佢煮得叻過你？）佢叫NatNat，當然叻叻。（煮過咩？）烤三文魚同西餐多，希望學番幾手同佢撼過。」洪永城不擔心與電力十足的蔡思貝傳緋聞，也不必向唐詩詠備案。
蔡思貝要為新劇練舞，問是否由緋聞男友麥秋成教授？她謂：「唔係，佢跳街舞唔識中國舞。（驚同洪永城傳緋聞？）當幫劇集宣傳，都鍾意睇佢嘅旅遊節目，佢好鍾意講嘢，好多理論聽。」
何雁詩昨凌晨在網上宣布拍拖，她昨說：「男友係日本、韓國混血兒，高大兼性格好，又坦白。（驚唔驚被批諷刺又喺凌晨爆甩拖嘅蔡卓妍同陳偉霆？）唔係特登，冇諷刺意思，可能大家都係凌晨最活躍。」