郭羨妮為囡囡努力造人
藝人郭羨妮（Sonija）昨日到荃灣出席活動，分享眼部護理訊息，又與小朋友玩遊戲，司儀問Sonija會否讓三歲女兒Kylie將來選港姐？她笑說：「咁快諗？等佢讀好書拎到十優先，依家興做十優狀元先做港姐。」Sonija透露女兒開學上K1不久，看得出她在語文方面甚有天分，問她是否怪獸家長？她笑說：「我唔係，反而囡囡係怪獸BB，好鍾意學嘢，之前暑假排到佢日日有嘢做，否則佢會唔開心。」
雖然去年初曾經歷小產，但樂觀的Sonija已收拾心情，透露正努力造人，希望為女兒添個細佬或細妹。對於有份拍攝的TVB劇《無雙譜》將播出，她表示與TVB雖已完約，仍保持友好關係，夾到時間會參與宣傳。