撐妹妹租金畀得起 周汶錡：５萬蚊好多咩？

名模周汶錡（Kathy）前晚出席時裝活動，近日妹妹周麗淇因為分手新聞而傳聞多多，被指曾與官富二代拍拖，收下對方300萬元黃鑽；又被爆早前租住的五萬元貝沙灣租金是前度徐正曦支付。對此Kathy力撐妹妹，更大口氣地說：「五萬蚊好多咩？做一個藝人點會搵唔到，佢好獨立，需唔需要呀？依家咩年代，幾萬蚊租金，又唔係幾十萬，做咗咁多年嘢點會畀唔到，自己搵自己畀好正常。」問到妹妹追求者是否非富則貴？她沒好氣續說：「我唔覺，冇錢冇背景又話唔夠富有，有錢又話有錢，有乜大不了，做乜咁寫人。」
周汶錡力撐妹妹非拜金女郎。
周汶錡力撐妹妹非拜金女郎。

同場還有內地男星胡兵，他透露有設計T恤，並會跟歐洲工廠合作，十一月推出自己牌子「HB」，問到會否設計衣服給另一半？他笑說：「暫時冇拍拖，畀自己抖吓，拍拖都好辛苦，除非結婚，否則唔想搞咁多事，畀人覺得拍拖又拍拖。」

胡兵將會推出個人品牌。
  • 胡兵將會推出個人品牌。