陳嘉寶iPad胸「凸」變

身材一向纖瘦的模特兒陳嘉寶前晚去看騷時，穿上貼身衫的她上圍顯得玲瓏浮凸，對此她說：「自己唔覺得，我不嬲出咗名係一部iPad嚟。（男友覺唔覺你係iPad？）佢冇意見，反而自己唔鍾意太瘦，依家有44-45kg。試過搭車畀司機問我係咪拍過廣告，但廣告個女仔對腳粗同條腰圓，我瘦咁多；其實係上鏡肥啲。」她表示不會谷肥自己，但如果拍戲需要就會，她又謂現已疊埋心水做演員。
陳嘉寶穿貼身衫，玲瓏浮凸。
陳嘉寶穿貼身衫，玲瓏浮凸。

同場的o靚妹李綺雯被問到早前因論及中國國家足球隊對香港足球代表隊的比賽而遭網民鬧，她說：「無論微博定facebook都係我表達o既平台，唔會因為我o既受眾而影響我寫咩。愛之深責之切，我都想中國好。」

李綺雯對早前遭網民鬧爆，大感無奈。
  • 李綺雯對早前遭網民鬧爆，大感無奈。