李玟粉紅大使籲歌迷錫身

歌手李玟(CoCo)昨日現身商場出席《2015癌症基金會粉紅革命啟動禮》,CoCo除了連續第4年擔任「粉紅大使」之外,還在場呼籲女性多做運動及維持健康飲食來預防患上乳癌。

一直積極支持及參與關注乳癌活動的CoCo接受訪問時,透露其奶奶15年前都患上乳癌,幸好已經康復,亦因為此事而令她積極參與「粉紅革命」的其中一個原因,她謂:「奶奶都有講過畀我知個經過,同埋老爺當年點樣照顧佢。當時佢患病喺外國,嗰邊冇呢啲機構去幫助,朋友同家人係好緊要!我啲歌迷嘅年齡都廿幾、三十,想佢哋都多啲注意同愛錫身體。」CoCo指自老爺去年因癌症過身後,奶奶都會多點來港,而今次就會逗留兩個月,雖然自己工作繁忙,但都會盡量抽時間陪伴奶奶。

新專輯姐姐聲援

至於工作方面,CoCo表示正在籌備新專輯,更會找來兩位家姐幫忙:「今次會唱啲翻唱歌,仲有我兩個家姐featuring,佢哋都好唱得!」另外,CoCo笑言家裏亦增添了一位新成員,就是9個月大的金毛尋回犬:「佢好曳,今朝起身見到佢咬我件大會T shirt,即刻請同事畀多件我,如果唔係冇衫着。」

文:音樂組