KillerSoap成名甩拖
樂隊KillerSoap主音陳樂基憑《中國好聲音》第三季而為人熟悉，今年更不斷到內地演出，最近他們帶着新歌《長大就是這樣的》回來，大談成長的煩惱，他們同時亦談到自己愛情上的苦惱，並希望憑歌勉勵年輕人。
最近推出新歌《長大就是這樣的》的樂隊KillerSoap，新歌講述長大後遇到的各種煩惱，成員都透露由初時追尋音樂夢到現在成名，一直有感情煩惱：「以前夾band就冇錢拍拖，到依家愈嚟愈多job接，終於有錢啦，但就冇時間陪女朋友，所以都試過畀另一半埋怨自己掛住夾band唔理佢，最後仲分手收場！」他們都不約而同希望另一半能理解自己的工作，更表示羨慕最近求婚成功的主音陳樂基（Rocky），感情已經有着落。KillerSoap亦希望新歌能唱出年輕人的心聲，並勉勵他們面對困難。
無意蒙面做歌王
最近內地歌唱節目《蒙面歌王》大熱，但曾參加《中國好聲音》的Rocky坦言未有太大興趣參加《蒙面歌王》，他擔心蒙面會影響表現：「《蒙面歌王》噱頭唔錯，因為係睇唔到個樣，可以令觀眾專注喺歌手個表現度。不過站喺歌手嘅立場，我覺得蒙住面唱歌會有難度，仲可能局限咗發音！」其他成員亦笑謂：「之前Rocky要黐假鬍鬚影新碟封面，佢係全程都講唔到嘢，我諗要佢戴面具，實連歌都唱唔到！」
文：專案組
場地：通利琴行