梁雨恩「隱青」開竅樂壇再發力
曾經歷一整年零工作的歌手梁雨恩，曾因自信心低落而慘變「隱青」，日花十多小時打機來逃避現實。雖然歷如此黑暗的過去，她仍「見過鬼都唔怕黑」，相隔八年再闖樂壇，延續歌手夢。
歌手梁雨恩（Cathy）早於2007年推出唱片，惜星途未如理想，一度在娛圈人間蒸發。相隔8年，她坦言克服了人生低潮，如今她正式重返樂壇，並籌備推出新唱片，延續歌手夢。
Cathy自言曾經歷整整一年零收入的慘況，因而失去自信變成「隱青」：「我『量地』咗成年，嗰時終日留喺屋企打機，一日打十幾個鐘，覺得可以脫離現實。嗰時唔敢出街，一來唔想使錢，二來自我形象好低落。」
感激好友支持
她坦言全靠宗教信仰及好友關心妍、裕美、張致恒的支持，才令她重拾自信。她說：「佢哋成日約我出嚟，同我傾偈、開解我，真係多謝佢哋！」問她可會否擔心今次再次碰壁？她坦言：「我依家內心好平安，都冇驚。經歷過上次失敗，知道自己唔需要靠外界嚟證明自己嘅存在。依家淨係想唱歌畀大家聽。」
文：名人組
場地：fill darts
髮型：Jacky@ IL COLPO Platinum
服裝：Amenpapa