黃美棋難忘化錯紙紮妝

美棋日前獲邀客串化妝品專櫃的一日店長，露香肩的她除了「吸睛」更「吸金」，只見美棋成功速記價錢及落力向顧客講解產品，不消15分鐘便做成四位數字營業額。同時兼任化妝師的美棋直言近年才學習打扮，更試過「失手」慘變紙紮公仔：「我試過搽胭脂搽到左邊深、右邊淺！」她笑言日後堅拒讓另一半整花靚樣：「我花咗四位數試漂眉，因為我懶畫眉。我仲試過用蜜糖線面同蒸木桶瘦身！（日後畀男友幫你化妝？）唔會，佢可能要化成個鐘，我會瞓着！」