肥媽帶挈掘金陸浩明練定歌登台
藝人肥媽與陸浩明（六號）在無綫節目《食平3D》中拍出火花，二人上契後更獲廣告商邀請，安排拍攝龜苓膏電視廣告。廣告商原打算只邀肥媽拍攝，但肥媽希望有更好效果，故向廣告商要求加埋六號一齊擔任廣告代言人，實行有錢齊齊搵。
拍攝廣告當日，六號和肥媽交足貨，於廣告中滲入不少二人於節目《食平3D》的鬥嘴、互窒元素，令廣告生動。六號於電話受訪時稱多謝肥媽的帶挈：「酬金好好，拍攝又順利，廣告商好滿意，所以我好多謝肥媽！廣告商仲贊助我食好多龜苓膏，我梗係要益埋家人朋友啦！（賺得多？）今年我拍咗三個廣告，賺錢成績都算好好，遲啲肥媽仲叫我學定歌跟佢去登台，佢係『登台王』嘛，我都好想跟佢搵食！」