羅啟聰樂壇幸運兒
由模特兒轉型做歌手的羅啟聰（K.I.S）星途可算是一帆風順，不止有樂隊InSpring作「back up」，更有藝人林一峰為他的新歌《荔枝山Rocky》作曲作詞，K.I.S亦坦言自己是幸運兒：「其實真係無諗過可以走得咁遠，開頭都知呢條路難行，出咗第一首歌嗰陣已經好開心，之後又喺公司撞到林一峰同佢講咗幾句，無耐佢就話作咗《荔枝山Rocky》呢首歌畀我！」
提及新歌，K.I.S即表示這首歌是他與過身的愛犬Rocky唯一連繫：「Rocky由我十歲嗰時開始陪我，當初知佢有病真係好無助，只可以盡量抽時間陪佢，而呢首歌就記錄咗我同佢之間嘅回憶。」問到他對日後的發展有何憧憬，他則笑說：「可以紅到點我唔敢諗，只係想將來喺好遠嘅地方都有人識唱或者聽過我嘅歌，同埋希望有一日可以同我偶像JasonMraz合唱。」