關詠荷出煮意 逼張家輝食奶

關詠荷昨日出席雀巢三花新品發布會,她透露最近做瑜伽望身體更健康,更爆老公張家輝要求她「唔好早死過我」。她又指老公不喜歡飲奶,故會在食品加奶令老公更加健康。

關詠荷與肥媽昨日到尖沙咀出席雀巢三花雙效降醇素營養奶粉發布會,兩人在活動上大顯身手,即席將奶粉加料,製成營養又美味的水果奶昔。

囡囡開學變輕鬆

擔任代言人的關詠荷笑言忘了酬勞,但非常滿意,希望做百歲人瑞,她說:「希望叻過六叔(邵逸夫)啦!個女同我講叫我唔好咁早死,老公(張家輝)就講過叫我唔好早死過佢,依家覺得健康係好重要。」

問她有否叫老公飲用產品?她說:「男人就唔係咁鍾意飲奶,但希望加入啲飲品食品度,整下燉蛋,等佢食!」她透露囡囡發育中,故平時就會給全脂奶囡囡飲用。

近年忙於湊女的她笑言囡囡開學後變得輕鬆,最近學習彼拉提及空中瑜伽。問她是否想挑戰老公的爆肌身形?她謂做運動是為了更開心,亦未有視老公身形為目標,不需要作比較。談到最近無綫不少藝人離巢,關詠荷說:「正常嘅,有市場吖嘛,我都係出咗去都返嚟。(有搵你返去?)暫時未有,有合適嘅都OK,最重要唔影響家庭。」

肥媽膽固醇下降

同場的肥媽表示服用產品三星期令膽固醇下降11%,少做運動的她自言「未停過咁食」,故產品對她幫助不少。提到她主持的無綫飲食節目《食平3D》反應理想,她透露即將開拍新一輯:「今次做時令菜式,會分冬天同夏天,11月拍,12月就播。今次拍檔都係六號(陸浩明)。」她又指無綫給予自由度大,毋須要用贊助商的食材。至於有沒有要求加人工?她笑謂:「好提議!不過要出年10月,已經加簽咗約,所以要等出年先可以加價。」

文:影視組