陳瀅 車廂遭震籮 學跆拳防狼
新一代「宅男女神」陳瀅昨日出席牛仔褲活動時，透露即將開拍港產警片，自言學過跆拳道，有點兒板斧，雖有防狼作用，惜仍防不到「車廂色狼」，自爆曾慘遭摸Pat。
昨日陳瀅、林德信及鄭俊弘一同出席活動，三人更即場示範瑜伽動作。陳瀅透露讀書時期因被指是肥妹，故做高溫瑜伽減肥，又認為自己臀部及大腿是肥胖重災區。她又透露刻下會開拍港產警片，問她是否打得之人？她笑言：「我學跆拳道o架，接近黑帶，細個已經學，當時主要因為武館好多靚仔師兄。（咁你本身咪防狼器？）我有啲暴躁o架，唔係弱雞。」
鄭俊弘吃過夜粥
雖然看似英武，但原來她也曾遇見色狼，她憶述說：「試過喺港鐵畀人摸pat pat，當時好多人，我感覺到我pat pat有嘢震緊，但嗰陣好逼。到下個站落車，有兩個女仔用眼神示意我（被非禮），你知女仔同女仔之間會有種默契。（咁你條褲後面有冇污糟到？）唔知，都隔咗咁耐，所以後來都唔會搭港鐵，寧願坐巴士。」而同場的鄭俊弘就笑言有學過功夫，吃過夜粥，故還可勉強做到瑜伽動作。
六位數拍瘦身廣告
此外，陳瀅近日以六位數字獲瘦身品牌垂青，擔任Image Girl平面廣告。她為求以最佳狀態示人，拍攝前兩星期，不斷做運動操fit自己。而廣告中，陳瀅換了超過6套服裝，當中不乏騷纖腰及長腿。
文：名人組