祖兒疑跌Bra：我根本冇戴
「綿綿頭上飛花，散聚了無牽掛」祖兒孖住克勤開騷，驚爆烏龍「跌Bra疑雲」！不過祖兒就自爆「根本冇戴，何來跌Bra？」更自言平板胸根本負荷不了「疑似物體」的Cup數，而克勤就話「爸爸」也有可能是歌迷送的「禮物」。
天后容祖兒和李克勤一連12場的演唱會唱到第六場，但來欣賞演唱會的嘉賓依然連續不斷，前晚更獲羅蘭、宣萱、潘嘉德、谷德超、黎芷珊、JW、歐陽德勛與太太和蔡立兒等到場支持。祖兒和克勤繼續在台上勁歌熱舞之餘，前晚演唱會竟有「神秘嘉賓」不請自來，期間更一度逗留在台上「進退維谷」！
慣真空上陣
事緣當晚演唱會後，有觀眾爆料指台上驚現疑似胸圍物體，更表示「爸爸」首現於祖兒獨唱部分，而台上亦只有男舞蹈員，種種迹象顯示「爸爸」極有可能是由祖兒身上掉下。祖兒看到新聞後不停喪笑，自言習慣真空上陣，否認是「爸爸」的主人：「其實呢，我喺演唱會期間好少有戴Bra習慣，因為換衫方便啲嘛，嗰part一定冇戴添。實在好有趣，我明明係唱緊《飛花》嘛，點解無啦啦變咗『飛Bra』嘅？」祖兒更自嘲指「疑似物體」Cup數好大，自己「負擔不起」。
克勤有分析
另一「台主」克勤就發揮偵探頭腦，從源頭着手查探到底「疑似物體」是否大家所想像的「爸爸」：「會唔會唔係一個塊面好大的歌迷面罩，或者最有可能係男dancer個護膝、腰封呀咁，因為嗰part要抬起祖兒凌空轉，佢哋要戴護膝，呢個可能性最大。」克勤又笑言就算是真「爸爸」亦有可能是歌迷擲上台，事實克勤的分析亦有根有據，事關杜德偉今年三月於紅館開騷時，亦曾收過寫了電話號碼的「飛Bra」作開騷禮物，只可以話當全場氣氛高漲時，真的一切都可能發生！
文：音樂組