羅霖擬海外置業

羅霖、甘國亮、寇鴻萍、張家瑩、顏子菲及蔡國威等昨晚到金鐘出席阿爾巴尼亞首都地拉那「天連天花園」項目發布會暨酒會,羅霖喜歡買樓,覺得最保值,問可有興趣投資該樓盤﹖她說:「有,好值得買,可以幫助子女升學。(樓盤老闆話有優惠畀你。)有優惠會考慮,想買一間先,囝囝鍾意再買多間,大仔去咗美國讀書,我簽證有問題陪唔到佢,要靠朋友幫手照顧。」講到亞視有新老闆入主,羅霖謂:「開心,希望有新氣象。(傳葉家寶被架空?)希望唔係,佢好有義氣,值得留低。」

甘國亮被問可有興趣投資海外房地產?他稱:「可以幫手推銷畀朋友。(亞視新老闆投資超過100億?)投資幾耐先,出年冇牌就拉閘,申請到先講,但以港人角度係支持嘅,做嘢要有把握,唔係有錢就得,士氣都好重要。」