千嬅爆仔仔唱得

歌手楊千嬅前晚以型格打扮出席I.T時裝騷，問她平時湊仔返學是否型格十足？她說：「我做嘢係楊小姐，最緊要靚，湊仔係丁太，最緊要快，打扮好隨意，跑步就要型，老公丁子高跑得太快，我同佢跑變跟班。」她稱將在澳門開個唱：「仔仔好想上台，佢認得我啲歌，不過淨係唱到三個字，哼到個音，對未識睇字嘅小朋友嚟講已好叻。（同佢一齊唱？）唔啦，係嘅話等佢出嚟做新人，黐住阿媽好麻煩，人哋唔知用咩眼光望佢。只要佢讀完書，就畀佢做鍾意嘅嘢。（支持佢入行？）唔會阻止。」