有「魔鬼胸」之稱的歌手蔚雨芯（Rainky）昨日於社交網上載穿泳衣的性感短片，見她不停自轉360度晒魔鬼胸，獲網友激讚睇到流鼻血。Rainky昨日亦現身電台受訪，自爆早前到非洲拍旅遊節目，最後一日餵海龜時暈倒：「我諗係因為當日我嚟緊period（月經），而且冇抖過，同埋我食咗好多凍嘢，所以就暈咗。雖然地下好污糟，但我都攤咗半個鐘，如果唔係會休克。」
