黃子華關懷「老友記」樓梯喘氣

子華深入慈善機構飯堂廚房，落手落腳派埋飯。

男神黃子華一舉一動都受到關注，而他曾在本月5日在facebook預告，指在前日將有嘢畀大家睇，令一眾「華粉」即議論紛紛，以為子華又有棟篤笑新片，令粉絲熱切期待！一諾千金的子華，在facebook上載短片，不過今次就唔行搞笑路線，皆因他為某慈善機構拍攝宣傳短片，大玩溫情！

深入慈善機構飯堂派飯

片中見子華探訪一名獨居婆婆，由於婆婆住在唐樓，要子華首先行足9層樓梯，雖然搞到子華上氣唔接下氣，但子華為行善頂硬上，最終他帶同生果到達婆婆寓所，竟被婆婆先搞笑說：「你同鄭裕玲棟篤笑，你就棟篤企！」令子華十分尷尬表示：「咁耐你仲記得嘅！」

子華陪婆婆回家行樓梯，上氣唔接下氣，更叫停婆婆休息！

拍短片關懷「老友記」的子華，到婆婆寓所探訪。

及後子華帶同婆婆到慈善機構飯堂食飯，除深入廚房直擊情況，更落手落腳做義工派飯給一班公公婆婆，令粉絲都大讚子華有善心！最後子華送婆婆回家行樓梯時，子華再次上氣唔接下氣，更「逼」婆婆暫停休息：「抖吓先，你等吓我好喎，等多半分鐘先，行唔慣呀！」待送回婆婆後，子華在片中再次呼籲大家，要多做善事。

文：專案組