千嬅唔買玩具Torres話孤寒

楊千嬅自言減少工作，抽多些時間照顧兒子。

楊千嬅昨日以「星級榮譽大使」身份出席東華三院舉行的「東華之友」月捐計劃啟動禮，同場還有副主席王賢誌、總理馬清揚等出席，期間她大談湊仔經，笑言三歲的兒子像六歲：「依家（口的）小朋友，三歲已經識講好多唔應該講（口既）（口野），（口係）電視劇學（口左）對白，例如『我唔要你』，我話畀佢知呢（口的）唔可以講。」續說：「我話唔可以成日買玩具畀佢，佢竟然識講『唔買玩具畀我，好孤寒』，問邊個教佢講，佢又唔出聲。」

減工作多陪仔

千嬅表示在暑假期間已帶Torres上play group，讓他熟習與同學相處及學習環境，問到囝囝有否讚女同學靚？千嬅說：「冇，只會覺得媽咪好靚。（介紹同學仔你識？）有同學仔試過問『點解Auntie咁大個人可以縮（口係）電視機入面』，我答佢因為唱歌，佢又問番自己媽咪點解唔（口係）入面，個家長惟有答『媽咪唔係唱歌』，好尷尬，有時（口的）問題都唔知點答。」

Torres日前高高興興開學。

東華總理馬清揚呼籲大家支持「東華之友」月捐計劃。

她指不同年紀要用不同方式教育，坦言會看書學習如何教育下一代：「唔可以對三歲小朋友講太多負面說話，例如『No』、『唔好』，會否定（口左）佢（口地）思想同信心。（抽多（口的）時間陪佢？）其實依家工作冇以前咁密，個仔放第一位，今年工作暫時有個電影宣傳同巡迴演唱會。」文：名人組