「兩個小生」胡楓及Joe Junior昨日偕肥媽出席領展「Cheers Express 歡笑派遞」啟動禮發放歡樂訊息，活動中代表「祖孫」關係的胡楓受訪時自認對孫疼錫有加而非「縱」：「佢哋有錯我當然會話，但我都好錫佢哋，所以啲孫仔、孫女到依家廿幾三十歲都仲係覺得我好錫佢哋。」
提到王馨平父親王羽打算為今日沒有出現的另外兩位小生謝賢及曾江擺和頭酒，平息怨氣，胡楓坦言未收到邀約，肥媽則在旁打趣稱胡楓為人和善：「唔使和頭酒，應該要掉頭『走』。」
