楊其龍迎娶捷克籍女友
英皇集團主席楊受成兒子楊其龍（Gilbert）今年四月榮升人父，其捷克籍模特兒女友Martina Sivkova為他誕下女兒，修心養性的Gilbert前晚終於與女友拉埋天窗，假半島酒店筵開八席喜酒宴請親友，表弟邱子傑與太太邱李茂琪一家也出席分享喜悅。婚宴上Martina入鄉隨俗穿上中式裙褂進行斟茶儀式，之後再換上西式禮服，Gilbert及父親楊受成分別在台上致詞，場面感人。
Gilbert胞姊楊諾思接受電話訪問時，流露開心之情：「真係好開心，了咗件心事，等咗呢日十幾年，爸爸當然係開心到不得了，覺得佢終於大個仔，自從做咗爸爸後真係成個人唔同晒，如果嫲嫲仲在生就好，因為佢最錫Gilbert，但我哋感覺到佢喺我哋當中。（你有冇向佢傳授夫妻相處之道？）都有。（當晚最感動係邊部分？）係Gilbert上台致詞，佢話以前曾經好曳，但家人都對佢不離不棄。」
