肥媽「士多」煮雞 周潤發畀Like
藝人肥媽（Maria Cordero）昨日出席廚具品牌德國寶舉辦的「肥媽代言＋進駐天貓國際隆重簽約儀式」，即席揮筆簽約成為品牌代言人。肥媽更即席炮製奶黃月餅及韓式牛肉麵等，吸引大批途人駐足圍觀兼試食。跟品牌老闆相識十多年的她，表示多年來獲對方贊助節目，近日終以七位數代言兩年，並笑謂：「多年來我都冇攞過斗零，係老闆良心發現畀錢我使。」
發嫂下廚整「坡」菜
提到剛拍畢電影《賭城風雲III》，肥媽自爆於「發記士多」下廚，與廚藝同樣甚高的發嫂（陳薈蓮）互相交流：「我用十分鐘教佢用三個爐整三隻雞。（發嫂廚藝如何？）佢煮新加坡嘢幾好食，仲整臭豆畀我試，大家切磋吓。」
她又指導演劉偉強及張學友試過其手藝都話正，問到發哥有否幫手下廚？肥媽說：「發哥幫手食，話畀你聽乜好食、乜唔好食，佢哋讚啲雞又滑又香。」
文：影視組