黃心穎晒腰功拗贏張秀文
藝人羅霖、黃心穎、張秀文及鄭丹瑞等昨日於電視城，出席無綫節目《活得健康嗎？》記者會。心穎及秀文於遊戲環節齊齊拗腰大晒柔軟度，當中自嘲「冇腰骨」的心穎更露出事業線，成功搶「峰」頭！至於秀文亦「唔執輸」以露腰裝上陣，談到她近期常打扮惹火示人，秀文笑指因天氣熱，身旁衣着較為密實的心穎即搞笑唱反調：「今日凍呀！」
秀文即賣口乖讚心穎身體柔軟：「佢可以（拗腰）將自己捲成一個圈，好似車胎咁！我就跳咗十年舞都（腰骨）好硬！」
晒事業線的羅霖自爆日前不慎跣落樓梯，致右手掌骨凸出兼甩骹：「我唔小心跣落幾級樓梯，跌到pat pat瘀晒，要媽咪幫手捽。手痛之餘，仲有舊骨凸出嚟！但我之後試衫再撞到同一個位，反而錯有錯着，撞番舊骨入去！」