羅子喬進軍日本 唔敢性感
藝人羅子喬（Bella）早前獲日本選為超人之母「人間體」的角色，首次擔正參演真人舞台劇的她人氣隨即急升，稍後將以此角色拍攝電視版「超人」單元劇和電影版：「聖誕節就會喺澳門做舞台劇巡迴，我自己其實係澳門人，所以特別興奮，之後就會陸續喺內地唔同城市做巡迴！」
而Bella其後更會進軍台灣拍攝偶像劇及推出唱片：「公司希望我主力向日本同台灣市場發展，其實偶像劇同唱片大約已籌備好晒，但暫時未可以透露得住！（有冇性感演出？）其實做咗『超人之母』後，接工作時會同日本方面溝通，盡量都唔會太性感！」問到想與那位男藝人演對手戲？Bella表示：「自己最想同彭于晏合作！因為佢係一個好專業同有態度嘅演員！」
