樂基兒內地吸金 靠祖兒翻譯

名模樂基兒（Gaile）、馬詩慧（Janet）與囡囡王麗嘉（Irisa）、影帝梁家輝的一對索爆孖女家姐Chloe和妹妹Nikkie，及藝人陳嘉桓等，昨日一同出席彩妝品牌活動，Gaile表示剛與一班朋友在印尼度過35歲的生日：「同美國朋友去咗印尼一個星期，玩吓衝浪同瑜伽，曬黑咗少少，香港都有朋友去，有好友Mia和Rosemary，10個人一齊去，男女都有。」

北京拍真人騷

問到平頭男「新歡」男友有否一同前往？Gaile即說：「唔知你講乜，（被影到嗰個？）朋友，（佢送咗咩禮物畀你？）好多朋友送咗禮物畀我，（最好係邊份？）好多朋友由上年11月已請假，計劃咗好耐，（有咩生日願望？）個人開心。」再問被拍的「新歡」是否追求者？她甜笑重申是朋友，未知有否發展可能。

陳嘉桓身穿簡約白裙亮相彩妝品牌活動，時尚大方。	容祖兒（左）	馬詩慧將與老公陪同麗嘉前往紐約闖模界。

她續表示未來除主要是模特兒工作外，還會到內地拍攝真人騷：「其他仲傾緊，之前喺北京拍咗一個真人騷，關於玩遊戲，同Joey（容祖兒）一齊拍，唔辛苦，佢好nice，佢幫我做翻譯，好開心，（酬勞幾多？）唔講，好開心。」

王麗嘉認單身

談到Irisa是否繼續縮胸計劃，Janet表示：「依家着到衫，暫時OK，（你會支持佢縮胸？）如果佢想的話，我唔會好反對，（即係最好唔好？）好難答到你，因為未係事實。」Janet續透露老公王敏德九月將陪同Irisa一同前往美國紐約闖模界。

問到Irisa有否不捨男友？她說：「我冇男朋友！（係咪好多人追？唔係，我鍾意同男仔玩，好多男仔朋友。」

另外，孖女Chloe和Nikkie則因少見傳媒，而未有受訪，但透過活動策劃人丁子高表示她們喜歡此品牌，故現身撐場。

文：名人組