周國賢回歸樂壇 感性慰歌迷

控制情緒最緊要

Endy沒刻意為是次個唱練歌，而是要學懂控制當晚的情緒，笑言怕太激動當晚會爆喊。談到今次個唱，Endy覺得恍如隔世：「喺外國嗰兩年，覺得好似香港過去發生嘅所有事好唔真實，反問自己係咪真係喺香港生活過，又望住啲飄雪同星空，覺得喺香港嘅生活好似場夢。」

兩年前Endy突然離港，之後曾想過會被遺忘：「我唔會取代到任何人，亦冇人可以取代我，唔係自誇唱得好，而係周國賢嘅音樂同佢把聲先係屬於我。」他承認當年有段時期會耍大牌，但經過時間洗禮，發現自己只是普通人，更感激歌迷一直支持。

周國賢（中）以往開騷都有忘我演出。（資料圖片）

周國賢說要待11月個唱加場才邀請嘉賓撐場。

「怕忍唔住除衫」

問個唱可會帶驚喜給歌迷？Endy笑言已開始操肌，大家會見到特別性感和感性的他：「到時大家唔好叫得太大聲，我怕忍唔住要除衫。」嘉賓方面，Endy大呻頭痛：「想自己唱晒，太耐冇做騷，唔想分個台畀人。」

是次個唱門票在四分鐘內售罄，Endy沒想過反應這麼熱烈，原本想加場，但今次騷後要即到澳門拍電影，所以計劃於11月舉行另一個唱當加場。

文：音樂組

攝：劉斌