鄭中基配顏卓靈：ok襯

影星鄭中基、顏卓靈、周秀娜及蔡潔等昨日到石門出席電影《大樂師．為愛配樂》開鏡儀式，飾演作曲家的Cherry即場演奏鋼琴，彈得有板有眼，她透露之前基本上不懂彈琴，苦練近兩個月。片中Ronald飾演綁匪的朋友，Cherry則被對方綁架，二人更發展一段感情，Ronald說：「其實唔算情侶，係曖昧，到最尾都冇一齊。（覺得兩個襯唔襯？）哈哈！你覺得呢？作為綁匪同肉參嚟講應該都ok。」

愛女放學唔願走

43歲的Ronald今次與21歲的Cherry有感情線，問到會否覺得對手愈來愈後生？他笑說：「唔係，原本個故事係咁咋！綁匪要有啲經歷先做到嘛！其實係我啲朋友綁架佢，放咗去我屋企，之後Cherry不停點我做嘢，我係佢隻兵。（相處有冇代溝？）冇呀！點會有。」問Cherry現實中Ronald是否她喜歡的類型？她想了一想說：「好幽默。」Ronald即笑說：「都話你識講嘢，神童！」

眾演員切燒豬賀開鏡。

放大圖片

提到今天開學日，Ronald表示會為升讀K2的女兒檢查功課，並送她返學：「啲功課唔算『劇烈』，例如喺雜誌度剪啲蔬菜出嚟，咪又係叫父母做！（囡囡返學喊唔喊？）佢鍾意返學同同學仔玩，放學最尾一個走，好彩呢樣唔似我。」

娜姐壓力大消瘦

同場打扮密實的周秀娜飾演女警負責捉拿Ronald，早前因此片整傷腳，現正康復中，高跟鞋也不能穿：「好在動作場面差唔多拍晒，呢場戲只係聽音樂，但企得耐都仲有影響。（驚之後有舊患？）醫生話會有，所以一係開刀，一係多做運動訓練肌肉強度，我唔想開刀。」現場見她又瘦了一圈，她解釋因工作壓力大，運動量太高，近日更經常肚瀉所致。

文：影視組