千嬅接仔猛吹水 Torres剷青夠潮

漫長的暑假結束，一眾「星二代」陸續開學，不少星級父母親自管接送！歌手楊千嬅日前完成廣州個唱後即趕返香港，昨日現身位於銅鑼灣的幼稚園，親自接仔仔丁進諾（Torres）返學放學。到十一點半放學時段，千嬅與家傭提早十分鐘到幼稚園門口排隊等候，千嬅甫現身便吸引其他家長及小朋友注意。

等待期間，千嬅與其他家長有講有笑，又有小朋友主動跟千嬅玩。到放學時間，千嬅拖住Torres步出校園，Torres穿上整齊校服，剪了潮爆剷青頭，似足媽咪滲出星味，離開時，千嬅向記者打招呼，Torres仔亦有樣學樣，回頭與同學仔和記者說再見，非常可愛。

Torres頭髮剷青，與媽咪一樣咁潮！	等放學期間，楊千嬅與其他家長閒聊。	Kelly表示今年讀K1的小龍包會穿哥哥的舊校服。（資料圖片）

媽咪捱病感內疚

其後千嬅接受本報記者電話訪問，問她與老公丁子高對仔仔新學年有何期望？她表示兩人有共識，千嬅指自己着重囝囝健康和開不開心，因為仔仔已經三歲，開始懂性，要多溝通。問她為仔仔讀書方面做甚麼準備工夫？她說：「我個仔返咗學半個月，今年升K1，你話搵學校就梗係個個家長都擔心啦，但我覺得需要觀察吓佢性格先，本地學校、國際學校都會考，香港個個都緊張學位情況，但我覺得可以等佢大啲再決定，唔會太過逼佢。」

千嬅又表示仔仔無懼返學：「我個仔OK嘅，今年冇去旅行，盡可能都陪佢玩，又去同學屋企玩，畀佢習慣群體生活。一個小朋友確實會悶，所以好多時會畀佢同其他同學仔玩，尤其係丁生好多朋友都有小朋友，會搞吓聚會。」千嬅又表示盡量都親自湊仔，除非不在香港，提到早前她和老公在內地拍真人騷《極速前進》，她拜託媽咪幫手照顧Torres，但她透露媽咪因此捱病：「媽咪為我付出咗好多，最近捱病咗，我真係好內疚、好擔心囉！」

Kelly細仔着舊校服

另一位潮媽陳慧琳（Kelly）雖忙於籌備年底個唱，但仍不忘照顧一對心肝椗蝦餃仔（劉昇）及小龍包（劉琛），Kelly昨日說：「我兩個仔已經開咗學，小龍包今年讀K1，佢會執晒阿哥啲校服，因為支持環保嘛。」據知蝦餃仔已轉讀國際學校，而開學前Kelly已減少帶他們出街玩，幫兩兄弟做好返學的心理輔導，她說：「佢哋都OK，都鍾意返學。」Kelly有否為小龍包升小一開始搵校？她說：「我唔會太操心，應該會跟番哥哥間學校。」

採、攝：專案組、音樂組、影視組