黃愷傑女友怕醜拒合照

黃愷傑女友Denise找來何國鉦（中）才肯合照。

黃愷傑透露近期正忙於拍攝內地真人騷，他說：「係邊拍邊播嘅，要揸小型飛機，幾刺激，本身完全唔識揸飛機，做機師係我細個嘅興趣同夢想。（酬勞好好？）主要睇機會，之前都有其他真人騷搵過我，不過唔係好啱，今次呢個係自己鍾意嘅，其他嘢都唔睇。（有無驚險嘢？）有，當我哋係真機師咁訓練，要轉我哋睇我哋暈唔暈，喺40尺高嘅大廈吊我哋出去睇我哋有無畏高，要自己執生，又要跳降傘，要簽生死狀。嚟緊都會考飛機牌。」

• 蔣怡

同場的模特兒蔣怡就透露已完成為期九個月的藍帶廚藝課程，想向飲食界發展，做飲食節目、出飲食書或與餐廳合作。她自言不懂做生意故不會開餐廳，又笑言丈夫投訴她每次都要拍照和講解菜式方可起筷。