張天愛鼓勵囡囡多拍拖

名媛張天愛（Flora）和林煒珽（Veronica）昨日出席芭蕾舞活動，Flora指現長時間逗留在內地的藝術學校作育英才，沒有空認識新男朋友，更揚言拒找中國人當對象：「我唔會搵中國人，我太鬼妹仔性格，中國人太傳統，要聽話，我唔係乖乖喺屋企聽話嗰啲。」她又透露自己擁有許多外籍追求者及心儀對象：「約會吓ok，但唔係拍拖，加上我又讀緊博士課程，人生目標唔係喺一個人身上。」問到囡囡邢嘉倩近況？她以身作則謂：「佢開心嘅。（佢拍拖要唔要畀你過目？）唔好管，畀佢自己搞，唔好好似我咁易愛上結婚，跟住就……拍多啲拖先有得揀，多啲經驗先知點揀，唔鼓勵咁早結婚，同埋佢又開學校又多投資，個人好好，佢嘅心地係the best。」