伍允龍唔執輸 自爆多女圍

藝人伍允龍、胡定欣、王君馨和元秋等昨日在將軍澳電視城出席無綫新劇《城寨英雄》開鏡儀式。講到前女友鍾嘉欣被指早前在內地拍劇時與24歲男演員丁野過從甚密，伍允龍就指自己都多女性朋友，更謂：「咁好呀？（戚戚然？）一啲都冇！（所以之前慶功宴攬唔少女？）好似攬咗一個女仔啫，佢係道具女仔(嚟)，不嬲都好好，抽中獎戥佢開心啫！」問自言現未有心儀對象的他有否在電視城撞到鍾嘉欣，他謂：「未有機會撞到。」又指撞到都會傾兩句，而對方若拍拖亦會祝福。

王君馨想打伍允龍

身為鍾嘉欣好姊妹的王君馨就直言想同伍允龍對打：「因為佢除咗係一個演員，仲係一個武指。」更笑指帶對方遊電視城時胡亂介紹地方，非常搞笑。講到鍾嘉欣新緋聞，她就指對方人緣好：「佢咁Sweet，唔會冇人理(口架)喎！（唔問佢？）唔問啦，佢真係想講就會講，佢都話指嗰套劇好開心，好似一家人咁。」

鍾嘉欣被指與內地拍檔丁野過從甚密疑撻着。	胡定欣在新劇的性格巴辣，經常破口大罵。	王君馨大讚好姊妹鍾嘉欣人緣好。

胡定欣鬧勻成村人

至於在戲中做髮型屋老闆兼包租婆的胡定欣，就表示自己終於可以在喜劇中過足戲癮，更指角色性格巴辣：「全部人畀我鬧勻晒！」元秋就自爆劇中不時有食榴槤戲份，但自己卻怕榴槤味：「都唔知點算好，惟有叫啲道具大哥買啲包，揸揸揸到好似榴槤咁！」

文：影視組