劉浩龍瞞祖兒 怕醜箍心悠
劉浩龍（師兄）昨日跟劉心悠拍攝MV，其中他使出三年前跟女友容祖兒的定情箍頸甫士，以相同招數箍實心悠！師兄亦透露今次拍MV是入行以來最大膽的親密鏡頭，但就不用向祖兒備案。另外，祖兒日前罕有穿上泳裝拍攝節目，見到奧運冠軍孫楊時她更頓變小粉絲！
歌手劉浩龍（師兄）昨日邀得劉心悠拍攝新歌《Goodbye My Love》MV，埋位時師兄從後箍住心悠的頸深情唱歌，讓身穿吊帶連身裙的心悠可以挨在他身上。由於赤腳上陣的心悠跟師兄高度有差距，所以她要企木板墊高。受訪時師兄表示之前跟心悠合作拍電影，而此曲正是該電影主題曲，故特地找她來拍攝MV。師兄亦透露今次是入行以來拍過尺度最大膽的MV：「今次同女伴箍頸都幾親密。（仲會唔會有其他更親密嘅鏡頭？）未知呀，不過導演話咩就咩。（錫錫得唔得呀？）唔好啦，我病，唔好惹到人。」
放棄墳場景
講到埋位時師兄好像有點尷尬，他則解釋自己怕醜，問到拍箍頸鏡頭可有向女友容祖兒備案？他則謂：「做乜都唔需要，工作啫。（費事佢唔鍾意？）唔係，導演咁多年都冇安排呢啲場面，咁啱呢隻歌啱feel就拍。」師兄亦透露MV是講述他死了，導演本來打算拍完廠景後去墳場拍攝，但師兄則大叫怕怕：「我話呢排七月，唔好玩呢啲嘢，我同心悠都驚。」
至於講到祖兒近期忙為演唱會跑步減肥，問到可有陪她一起跑？師兄即不欲多談女友：「冇。（畀啲支持佢？）會。」而事實上，師兄這招箍頸「迷暈鎖」乃是他與祖兒的定情甫士，早於2012年6月時，師兄已使出這招箍實祖兒，當時有指兩人已暗撻一個月。
罕有着泳衣
另外，祖兒有份參與的內地綜藝節目《報告！教練》最近播到游泳項目，其中祖兒更罕有以泳裝示人，大晒弗爆身形及微波身材。節目亦邀來奧運冠軍孫楊擔任教練，貴為天后的祖兒見到孫楊都變成小粉絲，更走到孫楊面前，跟高大的他比身高，又幫他翻衣領，之後更要求對方抱抱！祖兒面紅紅坦言喜歡高的男孩，令孫楊不禁害羞起來。文：音樂組