張智霖牛一開工靚靚陪「糕」慶
張智霖（Chilam）前晚與古天樂、蔡少芬、陳靜及曾國祥等為新片《S風暴》開工，劇組特別準備了S形蛋糕替8月27日生日的Chilam送上驚喜，而Chilam老婆袁詠儀（靚靚）、好友蔡一智、天馬電影公司老闆黃百鳴及經理人蕭定一，則帶備壽包、麻雀蛋糕及小食等，在11時左右陸續到拍攝現場，準備祝賀Chilam大一歲。
壽星Chilam於凌晨12時左右到場，蔡一智即帶領眾人唱生日歌，Chilam合十致謝後切了4個生日蛋糕，但由於要開工，他只負責開香檳而未有享用。Chilam開香檳時，現場眾人擔心他會用香檳噴人，猛叫他不要搖動香檳，Chilam卻頑皮地作狀搖動香檳，嚇得眾人立即準備紙巾！
見老婆冇驚喜
Chilam提到獲好友們送上驚喜生日派對，他故作鎮定說：「佢哋唔嚟同我慶祝，先至係『驚』喜！（靚靚呢？）佢嘅出現一啲驚喜都冇，因為係我叫佢嚟陪我拍戲嘅！晚晚都係半夜開工，天光收工，咁我生日，當然想佢嚟陪我過啦！（有咩生日願望？）世界和平，大家生活幸福，《S風暴》叫好叫座，今次同古天樂、周渝民、蔡少芬、陳靜合作，過程好愉快，大家都係有經驗、有演技嘅演員。」
神秘生日派對上，黃百鳴、蕭定一及蔡一智竟不約而同穿上黑白格仔款式的服裝，Chilam見狀即指三人有默契，一定要合照留念，三人則解釋是為了Chilam才穿上同款格仔衫。
文：影視組