吳佩倫唔怕輸恨入娛圈
今屆港姐競選已進入最後直路，全城關注。當日入圍第二輪面試後卻突然宣布退選的「弗版楊洛婷」吳佩倫，亦成為宅男女神。樣靚身材正的她坦言從未怕輸，退出的原因全為完成學業，她寄望畢業後回港仍有機會入行發展，並能與偶像吳彥祖合作拍戲。
每年港姐競選都會出現大量是非，今年港姐卻出現罕有退選潮！其中一名退選者就是令人印象深刻的「弗版楊洛婷」吳佩倫（Mandy）。23歲的她坦言參選為挑戰自己，退選則為完成學業：「當時參選係因為睇到廣告，好想試吓挑戰自己，亦覺得會係好特別嘅經驗，因為從來都未試過去一啲咁公眾嘅場合，冇應對過咁大場面。之後退選並唔係大家估我怕輸，參加得比賽就唔會驚輸，只係想繼續讀完書先，屋企人亦覺得應該以學業為先。」
驚粉絲嫌老
Mandy在香港完成a-level就到美國升學，仍有一年多才畢業，她笑言畢業回港已年紀大，怕大家嫌她老：「讀完都會返香港發展事業，都有考慮過入行。但選港姐退出後，大家都知我因為想返美國繼續學業，所以當時未有公司聯絡我。依家major讀緊accounting & econimics，讀完應該都係做會計或者金融方面嘅工作，到時仲有入行嘅機會都會想嘗試，因為畢咗業返嚟都有番咁上下年紀，哈哈！到時唔知仲有冇人畀呢個機會我呢？因為對拍戲有興趣，但就唔想以性感上位。最鍾意吳彥祖，佢係我嘅男神。如果開拍《單身男女3》我即刻say yes，唔係恐怖片就OK，自己都好怕睇。」
勁讚龐卓欣
Mandy表明睇好「寸嘴Ada」龐卓欣：「選港姐講到明標榜美貌與智慧並重，當然需要一定嘅條件先可以參加。我幾鍾意Ada，有同佢傾過偈，佢為人好nice，完全唔係報道中講咁寸。至於佢畀人話拍拖高調，但呢啲係佢嘅私人生活，有佢嘅自由。」
文：陳丹