岑日珈遭電暈冇膽「抄牌」

Angie日前身穿白色bodysuit外披大褸拍攝新歌《WAIT AND SEE》MV，老闆Simon為隆重其事，特別向友人借來法拉利、勞斯萊斯等三部名車。

就住就住唔自然

為了靚，Angie不惜出動私伙高踭鞋：「我足足帶咗十二對高踭鞋嚟。」但是，穿上高踭鞋又怕不小心整花名車，結果Angie要左就右就：「上落時要就住就住，感覺好唔自然，聽公司講投保咗過千萬o架！」

騷長腿的Angie為免走光，事前在衫內黐滿膠紙：「件衫有少少性感，又驚走光。（做足安全措施？）雖然黐晒膠紙，但都擔心會甩，所以每次cut機都會望一望，影到唔係咁好啦。」MV中外籍男模為Angie開車門，她承認有少少被「電親」，問她可會「抄佢牌」？Angie即說：「唔得，女仔要矜持啲，等男仔做主動。（錯過機會？）唔會，今日有四個男混血兒。」

揀男友要有風度

過往的男友會否幫她開車門？Angie說：「冇呀，以前拍拖都係中學階段，當時男友未有車牌。（揀男友要有風度？）風度一定要有，如果冇人品都唔會好得去邊。」

文：音樂組

攝：林蔚恩