潘盈慧 學整小籠包唔簡單

無綫娛樂新聞台主播潘盈慧早前到上海拍攝節目《3日2夜》，雖然過程辛苦，但阿盈卻認為相當過癮。行程中她既玩滑翔傘、揸帆船等刺激活動，於參觀水族館時又被海獅偷吻，問到被海獅咀的感覺如何？她說：「冇諗過佢咁得意，初初會驚，因為佢有鬚，但佢kiss快到feel唔到係點，同埋當時不停幻想如果佢突然咬我點算，所以工作人員叫我唔好周圍郁，我就好聽話囉！」
潘盈慧
潘盈慧

而向來不懂下廚的她，也有到南翔古鎮跟師傅學整小籠包，但期間卻錯漏百出，更謂：「睇好似好簡單，但我整嘅一係啲餡過多，一係就塊皮太細，最後試好多次才整到幾個似樣，但食完之後就覺得同師傅整嘅兩回事，可能係手勢問題啩！」

潘盈慧展示她整的小籠。
  • 潘盈慧展示她整的小籠。