(5)林凱恩眾望所歸 捽出友誼

十二位候選香港小姐昨日到將軍澳出席「友誼小姐」獎項互選，經過佳麗逐一上台投票後，結果眾望所歸由人緣甚好的(5)林凱恩先拔頭籌奪得「友誼小姐」獎項。日前出席游泳比賽時抽筋遇溺的林凱恩上台領獎時顯得激動，她受訪時表示：「好驚喜，自己喺佳麗之中好似男仔咁去保護佢哋，有時佢哋整親，我會好似跌打師傅咁幫佢哋捽散瘀，成班女仔都係九十後，大家感情好好唔會有是非。」

麥明詩有壓力

大熱佳麗麥明詩和龐卓欣失落首個獎項「友誼小姐」，但她們皆表示是投了林凱恩一票，麥明詩說：「佢好照顧大家，見我腳瘀咗就幫我捽，好nice。」麥明詩面露疲態明顯跌watt，她說：「有啲攰，要排練冇時間瞓，決賽要靠信心、意志。（壓力大？）有壓力o架，大家都狀態大勇。（有冇諗過滑鐵盧？）成日都諗，諗定先好。」龐卓欣被問到可會驚滑鐵盧？她說：「有，驚第一圈畀人淘汰，要準備好心理，全民投票嘛。（有冇呼籲親戚投票？）會呀，我好多親戚o架。」

大熱佳麗麥明詩表示投了林凱恩一票。	龐卓欣表示投了林凱恩一票。	一眾佳麗為壽星女郭嘉文（右三）唱生日歌。

郭嘉文賀23歲

昨日剛巧是(9)郭嘉文的23歲生日，佳麗齊齊為她唱生日歌切蛋糕慶祝，她說：「同屋企人講今晚唔好買蛋糕慶祝住，因為怕肥，所以等留番決賽之後先食，都有信心攞獎。」

大會司儀陳百祥表示首次見佳麗，覺得今屆質素平均，佳麗表現淡定，認為今年賽制好重要，因首次取消了大會評判，由全民投票選出會更公平。應屆港姐冠軍邵珮詩則睇好(1)麥明詩、(3)羅丹虹及(4)龐卓欣，她說：「當晚表現最重要，想睇佳麗才藝表演。」

採訪：影視組