趙哲妤伺機溝貨
前日全球股市經歷「黑色星期一」，不少藝人都不能幸免損手，藝人趙哲妤表示恒指跌到2萬1水平，她等了一星期，於上一個交易日入了少少貨，手持十隻股票的她說：「跌咗咁多，對我嚟講係時候溝貨，不過如果相比過去五年恒指水平，2萬1唔算好低。」她拒絕透露今次股災損失多少，只說是之前牛市所賺的數倍，保守估計她今次損失七位數字。
藝人陸詩韻亦有買股票：「大圍經濟都唔係好，睇定啲先，唔等住使咪擺住先囉！一日唔賣一日都唔會蝕。（會否趁低吸納？）未必會。」方力申則揚言與大眾共同進退：「暫時就唔會入貨住，如果手上有啲股票有錢賺都會沽咗先，輸緊嘅就坐（坐艇）得就坐啦！」講到李丞責批中「冧市」，下次入市可會先問對方？小方說：「見到佢會問吓嘅，但唔會刻意去問佢。」 至於早前持港交所賺近百萬的藝人文詠珊（JM），因要返大陸拍戲，離港前已將手上的股票全部沽清，逃過了一劫。