莊思敏蝕入肉要返屋企住
藝人莊思敏（Jacquelin）昨晚身穿低胸高衩連身長裙出席活動，她是以頒獎嘉賓身份頒發有關珠寶、個人護理及時裝範疇的獎項，更「開宗明義」笑言今次是以「搲撈」為目標：「依啲活動可以識多啲新客戶，梗係嚟搲撈啦，之前股災蝕咗七位數字，好傷心啊！」
Jacquelin說目前是帳面蝕錢，希望可以盡快望見家鄉：「雖然唔係咩應急錢，但當中有啲係炒股，所以有啲驚。（係咪亂信消息股入錯市？）總之今次事件令我認清邊個係朋友啦，有啲消息來源人士喺跌市後連電話都唔聽。」她還說將會與妹妹一齊搬回家。講到她要大屋搬細屋，Jacquelin笑言：「係啊，啲租咁貴畀唔起啊。」
此外，昨日Jacquelin在instagram代朋友公開賣車，更標明車價310萬港元，問她是否蝕到要賣車？她笑說：「朋友話唔睇好個市，所以放車，我都一日之內都冇咗架車（價錢），當然唔係咁貴嘅法拉利，但都冇咗過百萬。」